कबिता

मेरो शान्त अरुण!

आँधीबेहेरी र घनघोर बर्षात आएपनि
चुपचाप रही रहन्छ मेरो अरुण ।
कैंयौ पिर ब्यथा मिसिएपनि
लाखौं खहरेले किचिए पनि
आफ्नै धुनमा हराई रहन्छ ।
न त सुख्खा खडेरी सँगै
डगमगाएर आफ्नो यात्रा भुल्छ
न त झरीसँगै घमण्डले फुल्छ ।
केवल आफ्नो यात्रामा सुरिएको
कसैको छेकबारले न रोकिएको,
निस्छल अनि शान्त मेरो अरुण
तिम्रै आश्रममा हुर्किएका सबै तिम्रा
सन्तानहरु तिमी जस्तै बनेर बग्ने छन ।
तिमी जस्तै महान बन्न, तिम्रो पिछा
गरी रहनेछन ।
त्यो सन्देस तिमी दिदैं जाऊ,
तिमी जस्तै शान्त अनि निस्छल
रहने सन्देस दिदैं जाऊ ।
जहाँ जहाँ तिमी बहन्छौ तिमी
शान्तिको सन्देस र तिमी जस्तै
महान बनाउँदै जाउ अरुण!
तिमी जस्तै महान अनि शान्त ।

बि. जे. बान्तवा राई

ठुलो दुम्मा-९, भोजपुर